ليه الـ Optimizer ساعات بيتجاهل الـ Index؟

1. الـ Optimizer بيحسب التكلفة

تعمل Index على is_active، والـ EXPLAIN يقول Full Table Scan. الداتابيز مش بتتجاهلك: فيها Optimizer بيحسب تكلفة كل طريقة ويختار الأرخص. ولو 90% من المستخدمين active، الـ Index هيوصلك لـ 9 مليون صف، وكل صف = قراءة عشوائية. قراية الجدول بالتسلسل أرخص بكتير.

2. ترتيب الصفوف على الـ Disk

لاحظ حاجة مهمة في الرسمة: لو الصفوف متفرقة على الـ Disk، الـ Index ممكن يخسر حتى لو الشرط بيرجع أقل من 1%، لأن كل صف بيحتاج Page مختلفة. ولو الصفوف مترتبة بنفس العمود (زي الـ Clustered Index في InnoDB)، الـ Index بيكسب في نطاق أوسع بكتير. وفي PostgreSQL فيه حل وسط اسمه Bitmap Heap Scan: بيجمع أماكن الصفوف الأول، ويقرا الـ Pages بالترتيب.

3. الإحصائيات

والـ Optimizer بيحسب كل ده من إحصائيات، والإحصائيات دي عينة بتتحدّث كل فترة. لو عملت Import لملايين الصفوف، ممكن يبني قراره على صورة قديمة:

-- MySQL
ANALYZE TABLE orders;
ANALYZE TABLE orders UPDATE HISTOGRAM ON status WITH 16 BUCKETS;  -- توزيع القيم

-- PostgreSQL
ANALYZE orders;